Wakati wakazi wa Peponi watakapoingia Peponi, Mwenyezi Mungu Aliyetakasika na kutukuka, atasema: "Je, mnataka kitu chochote niwazidishie?

Kiarabu

عَنْ صُهَيْبٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «إِذَا دَخَلَ أَهْلُ الْجَنَّةِ الْجَنَّةَ، قَالَ: يَقُولُ اللهُ تَبَارَكَ وَتَعَالَى: تُرِيدُونَ شَيْئًا أَزِيدُكُمْ؟ فَيَقُولُونَ: أَلَمْ تُبَيِّضْ وُجُوهَنَا؟ أَلَمْ تُدْخِلْنَا الْجَنَّةَ، وَتُنَجِّنَا مِنَ النَّارِ؟ قَالَ: فَيَكْشِفُ الْحِجَابَ، فَمَا أُعْطُوا شَيْئًا أَحَبَّ إِلَيْهِمْ مِنَ النَّظَرِ إِلَى رَبِّهِمْ عَزَّ وَجَلَّ».

Tafsiri ya Kiswahili

Na imesimuliwa kutoka kwa Suhaib Mwenyezi Mungu amridhie, kutoka kwa Mtume rehema na amani ziwe juu yake amesema: "Wakati wakazi wa Peponi watakapoingia Peponi, Mwenyezi Mungu Aliyetakasika na kutukuka, atasema: "Je, mnataka kitu chochote niwazidishie?" Watasema: "Je, hukuziangaza nyuso zetu? Je, hukutuingiza Peponi, na ukatuokoa kutokana na Moto?" Kisha (Mwenyezi Mungu) atainua pazia, basi, hawatapewa kitu chochote kinachopendwa zaidi kwao kuliko kumwangalia Mola wao Mlezi Mwenye Nguvu, Mtukufu."

English translation

Sohaib (may Allah be pleased with him) reported that the Prophet (may Allah's peace and blessings be upon him) said: "When the dwellers of Paradise enter Paradise, he said: Allah Almighty will say: Do you want Me to give you anything more? They will say: Have You not brightened our faces? Have You not made us enter Paradise and saved us from Hellfire? He said: He will then lift the veil, and out of all the things they are given, nothing will be dearer to them than looking at their Almighty Lord."

Maelezo

Anaeleza Mtume rehema na amani ziwe juu yake kuwa watakapoingia watu wa peponi peponi, Mwenyezi Mungu aliyetakasika na kutukuka atasema kuwaambia: Je, mnahitaji chochote nikuongezeeni? Watasema watu wa peponi wote kwa pamoja: Kwani hujazitia nuru nyuso zetu, kwani hujatuingiza peponi, na ukatuokoa na moto? Hapo, Mwenyezi Mungu Mtukufu ataondoa pazia na kulinyanyua; na pazia lake ni nuru, watajikuta hawajapewa kitu wanachokipenda zaidi kwao kuliko kumtazama Mola wao Mlezi Aliyetakasika na kutukuka.

Faida

• Kufunuliwa pazia kwa watu wa peponi, watamuona Mola wao, na ama makafiri; watazuiliwa na hilo.
• Neema kubwa zaidi ya peponi ni waumini kumuona Mola wao Mlezi.
• Watu wa peponi wote vyovyote vile zitakavyotofautiana daraja zao watamuona Mola wao Mlezi Aliyetakasika na kutukuka.
• Fadhila za Mwenyezi Mungu kwa waumini kwa kuwaingiza peponi.
• Umuhimu wa kwenda haraka peponi kwa kutenda amali njema na kumtii Mwenyezi Mungu Mtukufu na Mtume wake rehema na amani ziwe juu yake.