Uuzaji unakuwa ni kuuza Dhahabu kwa dhahabu, na fedha kwa fedha, ngano kwa ngano (ambayo haijakobolewa), na ngano kwa ngano (iliokobolewa), na tende kwa tende, na chumvi kwa chumvi, mfano kwa mfano, sawa kwa sawa, mkono kwa mkono, zikitofautiana aina hizi, basi uzeni mtakavyo, ikiwa mkono kwa mkono

Kumebainishwa mali zinahusika katika riba na namna ya kuuza ndani yake.

Katazo la kuuza kwa riba.

Fedha za noti au sarafu zinachukua hukumu ya dhahabu na fedha katika sababu ya riba yake.

Kuuza na kununua aina hizi sita zenye kuhusika katika riba kuna hali nyingi: 1- Ni kuuzwa riba kwa riba kwa aina hiyo hiyo, kama dhahabu kwa dhahabu na tende kwa tende.... na ni sharti kusihi kwake kuwe na sharti mbili: 1- Kufanana katika uzani au kilo, na kukabidhiana katika kikao cha makubaliano, 2- Ni kuuzwa riba kwa riba kwa aina tofauti ikiwa ni pamoja na kufanana kwa sababu, kama dhahabu kwa fedha, na ngano isiyokobolewa kwa ngano iliyokobolewa, ni sharti kuwe na kukabidhiana, pasina kufanana, 3- Ni kuuza riba kwa riba kwa aina tofauti ikiwa ni pamoja na kutofautiana sababu, katika hilo hakuna sharti la kukabidhiana, wala mfanano kama kuuza dhahabu kwa tende.

Kuuza na kununua aina zisizokuwa na uhusiano na riba, au moja wake ikawa ni ya riba na nyingine si riba; na ni sharti katika hilo kukabidhiwa, na wala hakuna sharti la kufanana, kama kuuza jengo kwa dhahabu.